- Dette verkar kult!

Kristoffer Skogland (17) frå Haugesund, spelar trompet i både Hauge skolekorps og Haugesund Ungdomskorps. Han var på ungdomssamling og kurs då han fyrste gong høyrde om Unge i Teten. Samlinga og kurset vart leia av Unge i Teten-deltakarar.

Kult

- Eg undersøkte litt og fann ut at dette verka kult, seier Kristoffer. Blant anna gler han seg til å lære seg presentasjonsteknikk. Han sit i regionstyret for NMF Rogaland og trur dette kan styrke motet til å snakke høgt i forsamlingar, som for eksempel på landsmøtet.  

Nye utfordringar

Mari Sommer Hoel (17) er frå Trøndelag. Ho spelar kornett i Vikhammer og Saksvik Skolekorps.

- Etter å ha spelt i korps i 11 år hadde eg lyst å få nye utfordringar. Eg vil lære om korleis korps fungerer og få meir kunnskap om organisering av korps, seier Mari.

Tøffe tak

Ho gler seg til å møte alle deltakarane, bli kjent med dei og lære om argumentasjonsteknikk og presentasjonsteknikk. Ho trur ikkje dette blir berre enkelt.

- Eg forventar at det blir ein del utfordringar, men håpar det blir lærerikt. Så kan eg ta det med tilbake til korpset mitt og bruke det i korpskvardagen, seier ho.

Opplæringsarena

Unge i Teten-programmet har utvikla seg til å bli ein viktig opplæringsarena for unge tillitsvalde. Kristoffer gler seg til å sjå kva dette eigentleg er, spesielt korpsdrift og styrearbeid, seier han.

Han held for tida på med å lage eit juniorstyre i samarbeid med  alle dei tillitsvalde i skulekorpsa i Haugesund. I tillegg er han engasjert i ulike styreverv, både som tillitsvald og styremedlem. Han har med andre ord ein god arena å utøve det han lærer. 

- Ja, eg reknar med å få det formelle på plass no, seier han.

Tre samlingar

Fyrste samling er på Flesland 25. - 27. november. Neste samling er under Hell-konferansen i Trøndelag i andre halvdel av januar, medan den siste helgesamlinga er lagt til Stavanger siste helga i april, samstundes med NMF sitt landsmøte 2012.