 |
- Gratulerer Hordaland!
I årets NM for brassband vann Hordaland-korpsa heile fire av fem divisjonar. Eikanger-Bjørsvik vart norgesmeistrar med siger i elitedivisjon og 96,5 poeng totalt. - Vi har all grunn til å jubla over dette resultatet, seier styreleiar i NMF Hordaland, Eirik Helland. (Foto: Rolf Hestetræet)
Bjørsvik Brass vann 2. divisjon, Rong Brass vann 3. divisjon og Bergen Brass Band kom på førsteplass i 4. divisjon.
Fredag framførte alle korpsa i elitedivisjon stykket "The Power of the Soul" av Maurice Hamers. Laurdag var det framføring av sjølvvalt stykke og Krohnengen Brass Band var først ute av Hordaland-korpsa. Dei oppnådde den tredje beste poengsummen på sjøvvalt stykke, og kom på fjerdeplass i konkurransen. Dei hadde ei solid framføring av stykket "Vocalise, Fanfare and Rondo" av Gary B. Peterson og oppnådde 93 poeng totalt. Manger Musikklag kom på 2. plass i elitedivisjon med 95,5 poeng som er eitt poeng bak Eikanger-Bjørsvik.
Manger Musikklag framførte verket "Old Licks Bluesed Up"av Torstein Aagaard-Nilsen som dei har fått spesialskrive til årets konkurranse. Komponisten var til stades under framføringa. Då dei gjekk på scena var heile Store i Sal Grieghallen fylt til siste benk. Eikanger-Bjørsvik spelte like etter, også for ein fullsatt sal, og framførte stykket "Spiriti" av Thomas Doss. Også dette vart ei mektig framføring.
Sjå helie resultatlista her.
Les også kommentarane frå Tine Thing Helseth og Espen Selvik på NMF sine NM-sider.
Bildet viser dirigent David King og trombonist Grethe Tonheim fra Eikanger-Bjørsvik Musikklag.
Publisert 12.02.11
