Datoar for skulekorpsmeisterskapane er bestemt

Det vart på regiontinget i vår vedteke at det skal arrangerast eigne konkurransar for skulekorps i begge fylka i regionen. Det var såleis viktig å ta seg tid til å drøfte følgjene av dette vedtaket skikkeleg for å komme opp med ein god plan for aktivitetane på våren. Skulekorpskonkurransen i Møre og Romsdal vert lagt til laurdag 3. mars, og konkurransen i Sogn og Fjordane til laurdag 10. mars

Regionstyret har og gjort følgjande vedtak angåande drill på skulekorpskonkurransane, som det ønskjer å gjere kjent for korpsa i regionen:

“1.1. Regionstyret i NMF Nordvest viser til regiontingets vedtak i sak 7 den 8. mai 2011 om konkurransestruktur.

1.2. Med bakgrunn i praktiske omsyn og ikkje minst dei økonomiske realitetane for regionen, finn styret det naudsynt å gjennomføre drillkonkurransane slik at det kvart år blir drillkonkurranse i Sogn og Fjordane samordna med skulekorpskonkurransen. I tilleg blir det årlege konkurransetilbodet for drill i Møre og Romsdal Midtnorsk Mesterskap på Averøy. Korps som ønskjer å delta på eit felles arrangement for musikk og drill kan delta i Sogn og Fjordane.

1.3. Alle korps kan delta i begge konkurransar uavhengig av heimfylke.”

 

Det er no svært viktig for NMF Nordvest å få fastlagt teknisk arrangør for desse to konkurransane, og vi ber korps som er interesserte i å ta på seg eit av dei om å kontakte dagleg leiar Lars Alver Krum så snart som mogleg, på epost larsa@musikkorps.no eller telefon 920 84 508.

Heile aktivitetsplanen finn du her