 |
Drillarar møtest til konkurranse
243 drillarar frå heile landet inntek Campus Arena i Horten denne helga. Her blir det estetikk på høgt nivå. Mange brukar Skjærgårdsdrill som oppkøyring til NM og VM.
Foto: Atle Ommundsen
Det er duka for to spennande dagar i Horten. Laurdag og søndag er det Skjærgårdsdrill i den nye idrettshallen på Bakkenteigen. Her møtest 243 drillarar frå heile 26 korps rundt om i landet. Deltakarane er frå 9 til 22 år. Her kan publikum oppleve drilling av både solo, duo og i tropp.
Flott estetikk
Det blir konkurrert i kategoriane drilldans, twirling og majorettes. Alle framføringane vil vere prega av ein gjennomtenkt estetikk, der tekniske kunnskapar, musikkval, kostyme og koreografi er med å danne heilskapen.
Kjekt for publikum
I klassa Solo 1 Baton er tre utøvarar ute på golvet på same tid, på eit lite område. Dette blir kjekt for publikum å sjå på, og gir en effektiv konkurranseavvikling, seier Ingrid Yerlikaya, nasjonal drillkonsulent i NMF.
Landets beste
I år er det høgt nivå på mange av deltakarane. Her samlast landets beste drillarar, seier dagleg leiar i NMF Sør, Torild Rosenvinge. Konkurransen blir brukt av mange som ei slags generalprøve før oppkøyring til NM i Larvik i juni. Enkelte av deltakarane er og tatt ut til å representere Norge i VM i Twirling i Sveits i april.
Publisert 27.01.12
