Eit annleis år med kontrastar

Oda Salthammer er frå Møre og Rosmdal, like utanfor Molde. Ho har lenge vore klar over sjansen som låg i å bli musikklærar i Sør-Afrika. Fyrst no har ho bestemt seg og vart svært glad og stolt då ho fekk positivt svar.

- Fleire lærarar eg har hatt, har vore der. No tenkte eg at tida var komen for å søkje sjølv, sidan eg går den utdanninga eg gjer. Det seier Oda som til vanleg studerer musikkpedagogikk ved Musikkhøskulen i Oslo.

Oppleve noko nytt

- Dette ser eg på som ei kjempeutfordring, noko nytt og ein sjanse til å oppleve noko heilt anna. Ho har forventningar om å lære noko sjølv, bli kjent med nye folk og ein ny kultur. Dette blir eit år som rett og slett er heilt annleis enn det ho opplever i Norge.

Annleis i Afrika

Sjølv har Salthammer spelt euphonium i Garden, og speler no i Oslo Brass Band. Det er litt stiv tradisjonell brass-band-musikk med mykje notelesing, så kontrasten kan bli ganske så brutal, seier ho. Afrikanarar er normalt gode dansarar og har rytme og bevegelse. Det er ikkje som i OBB eller Gardemusikken. I tillegg til å spele masse likar ho å synge.

Åleine på grovmessing

- Eg er den einaste av oss seks som reiser nedover som spelar grovmessing. Så eg må nok undervise i både euphonium og tuba, seier Oda. I tilllegg vil eg nok også ha korps som Soulband. Og å undervise i høyrelære blir ein del av jobben, legg ho til.

Får støtte av familien

Oda Salthammer har ikkje vore i Afrika før og gler seg storleg. - Kjærasten og familien min støttar meg fullt ut og seier dei er stolte og glade over arbeidet ho skal gjere.

- Mor mi er kanskje litt nervøs, men det er berre eitt år, sprudlar ho gjennom telefonen.