Etterjulspresang for sensitive øyre

Så var jula over og solbrannen har begynt å gi seg. For du kan nemleg få deg ein skikkelig ein her nede midt i sjølvaste romjulsterminen ser du. Utover det hadde me mildt sagt ei fortreffelig jule- og nyttårsfeiring i Sør-afrika. Anleis enn i Norge var den definitivt, men like fullt fantastisk flott.

No er me komne godt inn i fyrste skuleveke med splitter nye elever og stemninga er på topp. I forkant tok eg for meg å lydisolere perkusjonsrommet vårt etter beste evne. Dette hadde lenge vore ei hjartesak for meg og resten av teamet. Lyd er nemlig ingen mangelvare på bruket og sjølv om me alle liker musikk , liv og røre, så kan det av og til bli litt mykje. Dermed var det fram med sementbor, gardinstenger, limpistol, hyssing og eggekartonger. Etter ein dag med mykje svette og støv var omsider rommet ikkje alt for gale lydisolert og preparert med allslags trommeflora; klart for å ta i mot spelekåte fieldbandere. Det er nemlig heile sju ferske trommiser som kan sjå fram til å tilbringe sin rytmiske tilværelse sammen med meg i tida framover. No fekk dei jammen meg skikkelig arbeidsmiljø også. Hurra for fysisk arbeid!!

Dessuten har eg vore så fri å arrangere Michael Jacksons “Thriller” for skulens full-band i ferien. Så dei neste seks vekene blir det full zombie-avdeling på skulen. I tillegg slår Geir eit slag for Disney med “I wanna be like you” frå Jungelboka. Vivaldi får dei også prøve seg på… Med andre ord er det fin spredning i repertoaret denne terminen. Me gler oss.

Så inntil vidare: Godt nytt år alle kjære blogglesere!!

Hilsen Jaran og gjengen