 |
Pizza til produksjonsselskapet
Litt mat i magen må til når dei sit pal i åtte timar i produksjonsrommet. Buss og Media produserer 18 timar nett-TV med seks personar.
Produksjonsselskapet Buss og Media frå Nordhordland har reist i mange timar til Trondheim og rigga i vel så mange timar. Aleksander Flatøy tar seg av lyden. Jon Ingar Kjenes er sjefen, medan Eugen Lillelid snakkar med dei tre kamerafolka inne i salen. Han gir beskjedar om kva dei skal filme.
-Nei, der er det ingenting som skjer. Søk mot horna mot venstre. Dei spelar, seier Lillelid. Kamera to er på.
I det mørke, vesle rommet, forbi alle trekte straumkablar og leidningar sit dei tre karane. Humøret er på topp, og det same er konsentrasjonen. Dei fire skjermane er sirleg stabla oppå kvarandre, lyden frå pc-en og miksebordet blir skrudd ned. - Lyden må opp, seier Jon Ingar. Tilsvaret frå lydmannen kjem raskt. - Eg har ikkje vore borti noko!
Midt oppi heile situasjonen har dei nettsida til Pizzabakeren oppe. Det må mat til for å klare å halde konsentrasjonen oppe. Då er det lurt å bestille mat før magen skrik altfor mykje, seier Kjenes.
Publisert 08.04.11
