Sandvikens Ungdomskorps til topps

Resultata kom overraskande på fleire. Dei fekk 95 poeng, eit halvt poeng framfor Dragefjellets Musikkorps også frå Bergen. Tredjeplassen gjekk til Musikkforeningen Nidarholm frå Trondheim.

Dermed fekk Silje Knudsen Borge frå Sandvikens Ungdomskorps rett då ho tidlegare laurdag sa at dei skulle vinne. Korpset kallar seg ungdomskorps sjølv om mange av medlemmane er godt vaksne.

Tubaist Øystein Fløtten i korpset seier dette er heilt fantastisk.

- Det var langt meir enn vi hadde våga å håpe på. Sjølve arrangementet har også vore heilt fantastisk. No blir det feiring saman med dei andre til langt utover natta.

Lillestrøm som var favoritt i eliten saman med Dragefjellet hamna på ein 5. plass. Sandvikens Ungdomskorps braut dermed sigersrekka til dei to favorittane og vann sin fyrste NM-siger på sju år.

Solistprisen i eliten under NM janitsjar gjekk til solohorn i Sarpsborg Janitsjarkorps, medan gruppeprisen gjekk til saksofongruppa i Lillestrøm Musikkorps.

1. divisjon

I 1.divisjon vann Christiania Blåseensemble frå Oslo. Kolbu Janitsjarkorps frå Oppland tok 2. plassen, eitt poeng bak, medan Sagene Janitsjarkorps frå Oslo kom på ein tredjeplass.

Solistpris: Solofløyte i Mo Hornmusikk frå Nordland

Gruppepris: Slagverkgruppa i Sande Musikkorps

2. divisjon

I 2.divisjon gjekk Opus 82, Akershus av med sigeren. Tønsberg Janitsjarkorps frå Vestfold kom på ein 2. plass, medan Stavanger Musikkorps av 1919, Rogaland tok ein 3. plass.

Solistpris: Soloklarinett i Lungegaardens Musikkorps

Gruppepris: Trompetgruppa i Tønsberg Janitsjarkorps

3. divisjon

Hovin Musikkorps, Akershus vann 3. divisjon. Asker Musikkorps, også Akershus, tok ein 2. plass, medan Fåberg Musikkforening frå Oppland tok tredjeplassen.

Solistpris: Soloklarinett i Modum Janitsjar

Gruppepris: Trompet-/kornettgruppa i Fåberg Musikkforening

4. divisjon

I 4.divisjon vann Asker og Bærum Ungdomskorps frå Akershus. Østre Gausdal Musikkforening frå Oppland tok ein andreplass, medan Hov Musikkorps, også frå Oppland, tok tredjeplassen.

Solistpris: Altsaksofon i Byåsen Musikkorps

Gruppepris: Slagverkgruppa i Hov Musikkorps

5. divisjon

5. divisjon vann Alvdal/Tynset Janitsjarkorps frå Hedmark. Eidsvoll Janitsjarkorps tok andreplassen medan Molde Janitsjar frå Møre og Romsdal tok tredjeplassen.

Solistpris: Xylofon i Hasund og Dimnøy Ungdomsmusikkorps

Gruppepris: Grovmessing (tromboner, bariton og tuba) i Musikklaget Kornetten

6. divisjon

Musikklaget Brage frå Møre og Romsdal vann 6.divisjon. Andreplassen i den divisjonen tok Hommelvik Musikkorps frå Sør-Trøndelag. Søndre Nittedal Veterankorps frå Akershus tok tredjeplassen.

Solistpris: Altsaksofon i Musikklaget Brage

Gruppepris: Slagverksgruppa i Søndre Nittedal Veterankorps

Nær 4500 musikantar fordelt på 89 korps har deltatt på NM i Trondheim 2011 for å konkurrere om å bli norgesmeister i janitsar.

Sjå fullstendig resultatliste og kva poengsum dommarane har gitt dei ulike korpsa.