Takk for det gamle, folkens...

Eindel tull har eg fore med - men også litt til ettertanke håpar eg. Det ligg alltid litt alvor rundt, eller bak, humoristiske utfall.

I skrivande stund er all aktiv dirigering dette året ferdig. To små julespelingar for ein støttespelar og julaftan i kyrkja på trompeten. Deretter sler vel abstinensen inn, tenkjer eg.

Det nye året er med i tankane. Litt noteskriving og partiturlesing vert det nok plass til i romjula. Påfunna av meir eller mindre gode idear og saker til styret i Nordvest ligg også på beddingen. Det første, og største målet er korpskonferansen på HELL. Det vil nok gå mange tankar dit i romjula.

Familien da? Ja so klart. Dei skal få sin velfortente plass. Og hytta; vonar på eit par overnattingar der også.

Eg vil takka alle som har teke seg tid til å lese bloggane mine.

Takk også til alle kjekke korpsfolk eg har møtt dette året; først og fremst medlemmene i Årdalstangen Musikklag og Flåm Musikklag. Dernest aspirantar, SFO-elevar og kulturskuleelevar.

Eg gløymer heller ikkje alle kjekke medsamansvorne på Grått kurs og på dirigentkurset der Russel Gray var lærar.

Og de som sit i sentraladministarasjonen til NMF, styremedlemmer i NMF-Nordvest, Facebookvener samt tidlegare og nye kjennskapar frå Hellkonferansen og diverse seminar i året som gjekk.

Godt nytt år til alle saman. Snakkast i 2012.