Ungdomsordførar vil gjere korps trendy

Bilde: Faksimile frå dn.no

Skuleelev Ingvild Rygg er ordførar for ein dag i Asker kommune i dag. I regi av Operasjon Dagsverk, OD overlet fleire toppleiarar stillingane sine til skuleelevar. Dette er ein ny trend som med hell er prøvd ut i Ungt Entreprenørskap tidlegare. No prøver også OD på det samme, og tanken er å få ungdommeleg input i bedrifter og omtale i media, skriv Dagens Næringsliv.

Ingvild var ein av mange søkjarar til ordførar-vikariatet i Asker kommune. Ho går tredje året på musikklinja på Rud vidaregåande skule og skal studere politikk i Storbritannina neste år.

- Det verka gøy å gjere noko anna enn det ein vanlegvis ville ha gjort på OD, seier Ingvild til DN.no. Og så er eg jo politisk interessert, og det er gøy å sjå sjølv korleis det faktisk fungerer, seier Rygg.

I søknaden måtte dei skrive kva dei ville gjere for ungdom her i landet. Ingvild skreiv at ho ville snu utviklinga av skulekorps og ønskjer at det skal bli kult å gå i skulekorps igjen. 

- Også meiner eg at vi må ha fleire arenaer der ungdom kan engasjere seg og få sagt kva dei meiner, seier Rygg til dn.no/talent.