 |
Heidra Håkon sitt minne
Det var stappfullt og fantastisk stemning i Olavshallen under minnekonserten søndag kveld. Det nykomponerte musikkstykket "Never again», er skrive for å hylle omkomne og overlevande etter den ufattelege tragedien på Utøya 22. juli.
Komponist Jan Magne Førde fekk i oppdrag å skrive eit musikkstykke til minne om Utøya-offera. Foreldra til Håkon Ødegaard laga eit minnefond og ville ha eit minnesmerke over Håkon.
I dag vart musikkverket framført i Olavshallen.
- Musikken skal vere ein hyllest av alle ungdomane som var på Utøya, både dei som døde og dei som kom heim igjen. Mange andre har og mista sine kjære i løpet av året som gjekk. Kanskje også dei kan finne trøyst og styrke i musikken, seier Tor Ødegaard, far til Håkon til Adressa.no
Her kan du høyre "Never again" i originalversjonen.
Sidan 22. juli har familien stått midt i sorga over sonen dei mista og gleda over dottera dei fekk heim igjen.
Full av framtidshåp
– Musikken er så flott, så full av framtidshåp. Heilt sidan i haust har eg kjent på gleda over at vi kom på å gjere dette. Å gje noko til andre kjennest meiningsfullt, midt i det meiningslause, seier Håkon si mor, Hanne Kvam Ødegaard.
Både ho og Tor spelar i Nidaros Brass Band som framførde verket i Olavshallen søndag, saman med Byåsen skoles musikkorps.
Full Olavshall
- Det var stappfullt og fantastisk steming i Olavshallen søndag, seier dagle leiar i NMF Trøndelag Karsten Selseth Landrø.
Det var mange inviterte, blant dei AUF-leiaren Eskil Pedersen.
Publisert 05.02.12
